UN PAR DE HOSTIAS EN VINAGRE

Habitamos un só universo ou o noso "Eu" se define entre existencias a través do Espacio e do Tempo? E se tivésemos un "dobre cuántico" para interferir nas nosas escollas época tras época?



"Un par de hostias en vinagre" conta a historia de Petra Potemkin e Lola Lee, dúas mulleres desdobradas e unidas polo destino, dúas mulleres dionisíacas, vulnerables e amistosamente antagónicas que se desdobran , emerxen no presente, exhiben a súa pequena historiña para logo disolverse no soño dun posible futuro.



"Un par de hostias en vinagre" é un espectáculo cómico, musical e irreverente onde as actrices Sandra Lesta e Paula Sanmartín, combinan o humor acedo co absurdo para reflectir sobre a propia existencia e o fin da humanidade nun universo multiplicado.



Elástica & Cia é unha compañía de nova creación que nace no 2015 coa unión de catro profesionais das artes escénicas, plásticas e musicais que tras unha longa traxectoria individual deciden xuntarse para establecer un espazo común de diálogo e liberdade creativa onde podan confluir as súas diferentes linguaxes, propiciando así a aparición dunha identidade propia e xenuina.

Xuñ, 15, 2016

 

0

SHARE THIS