Que tal, Mileto?
O Colectivo Galiza Emocional, nado de xeito espontáneo tras o proceso de creación do Mapa Emocional de San Pedro, dalle pulo a un novo espazo: Que tal, Mileto?
Punto de encontro de iniciativas artelladas ao redor da exploración dos territorios.
Confluencia entre prácticas artísticas e comunitarias, cartografías subxectivas, experiencias de posta en valor do inmaterial e outros formatos que discorren sobre os sentires dos lugares que habitamos.
Un diálogo (amenizado) entre divulgadoras, artistas, profesionais do social e público inquedo.
PROGRAMA
10:30h-11h Chegamos!
11h-14h Arrancamos!
- Óscar Senra e María Abelleira de MAOS Innovación Social
- Xoán-Xil López
- Pausa-café 12:30h aprox.
- Horacio Gómez de CGEOMAP
- Nacho Muñoz e Marcos Ptt de COLECTIVO GALIZA EMOCIONAL
16h-19h Retomamos!
- Ágata Dzianach e Lukasz Dzianach de GRUBY PUNKT
- Carmen Nieto de FÁLAME DE SAN SADURNIÑO
- Pausa-café 17:30h aprox.
- Vanesa Castro de RURAL- C
- Uxía Estévez, Rosinha Rojo, Rafa Otero de FESTIVAL ARTEFICIAL
19h-20:30h Audipaseo Emocional*
20:30h Orquestra Experimental
(E o que veña…)
*Para asegurar que podes facer o audiopaseo, descarga o arquivo mp3 no teu móbil e trae auriculares. Enlace de descarga: http://tiny.cc/1iyq8y
QR descarga:
PARTICIPANTES
Impulsora de diferentes proxectos e iniciativas como Fálame de San Sadurniño, Teño unha horta en San Sadurniño, Miradas Novas, Fútbol que Fala, Faladas de Muller ou Chanfaina Lab.
Fálame de San Sadurniño é un proxecto colaborativo na rede, e ao tempo una ferramenta para a consecución dos obxectivos no achegamento da cidadanía ás TIC e á Sociedade da Información.
Fálame de San Sadurniño é un espazo na rede no que simples “fotos faladas” cargan de sentido colectivo a pequenas vivencias individuais que, so en aparencia, semellan desconectadas. Un lugar de encontro da memoria oral e a historia do concello, ao tempo que fai visible a vitalidade da veciñanza e do tecido asociativo ou empresarial contemporáneo do concello de San Sadurniño.
www.falamedesansadurnino.org
A paisaxe da memoria, xunto á paisaxe sonora, a paisaxe táctil e a paisaxe do olfato, é unha das capas invisibles da cidade que podemos ler na categoría de patrimonio inmaterial. Por tanto, é un valor que debe considerarse coa maior atención.
O proxecto céntrase na memoria diaria dos lugares en forma de historias subxectivas de persoas que entraron nunha relación con eles.
Axitadores e produtores culturais, desenvolven proxectos diversos, producen eventos culturais, actividades de formación, procesos partcipativos ou producións audiovisuais. Ambos son licenciados en Belas Artes.
Desenvolven proxectos e procesos culturais coa asociación Rural Contemporánea, un colectivo de acción social e cultural implicado na valorización e visibilidade do medio rural. Dende este organismo abordan diferentes problemáticas existentes no medio rural utilizando a creatividade como ferramenta de participación comunitaria e os imaxinarios tradicionais como forma de propagación de coñecemento.
Máis info en http://www.ruralc.com/
Romaría da música e cultura alternativas do Ribeiro
Arteficial é unha asociación sen ánimo de lucro integrada por mozas e mozos do Ribeiro que apostan pola comarca e polo seu desenvolvemento cultural, económico e social. Creado pola Asociación Cultural Arteficial no ano 2007, o Festival Arteficial atesoura 13 anos de experiencias e traballo asociativo. Ao redor de propostas musicais e culturais de vangarda, Arteficial é entendido agora como a Romaría da música e cultura alternativas do Ribeiro, onde os recursos patrimoniais, a cultura do viño do Ribeiro e a fixación de poboación son eixos fundamentais.
O Festival Arteficial forma parte do Banco de Boas Prácticas da Xestión Cultural elaborado pola Asociación Galega de profesionais da Xestión Cultural, AGPXC, e recibiu o Premio Rodolfo Prada á xestión cultural concedido pola Deputación de Ourense no ano 2018.”
Somos unha rede profesional e interdisciplinar de persoas que aposta polos barrios e as parroquias como espazos privilexiados para desenvolver e explorar diferentes maneiras de entender os territorios e as relacións entre as persoas que os habitan.
A través da creatividade, a tecnoloxía e a participación da veciñanza, facilitamos e desenvolvemos diversas experiencias e estratexias de intervención artística, social e cultural, co fin de comprender, revalorizar e visibilizar o noso valioso patrimonio inmaterial: aquelo que non se ve nin se toca, mais se sinte.
“Ó entender Northampton entendo o resto do mundo. Para entender o universo intenta entender a rúa onde vives.”
Alan Moore
O QUE É: San Pedro, Manual… é un audiopaseo. Unha experiencia a medio camiño entre as audioguías dun museo, a antropoloxía e o teatro. Apropiandonos de parte do traballo de entrevistas realizadas para o Mapa Emocional, elaboramos unha visita polo barrio na que tentamos redescubrir as rúas de todos os días. A ver que mais nos poden contar.
https://vimeo.com/channels/1440198
Un evento organizado por:
