FACER A RÚA
INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar:
DESCRICIÓN
Este obradoiro anímanos a mirar con novos ollos o noso espazo urbano.
“Facer a rúa” anima aos participantes a sacar o máximo proveito do noso espazo público: Ao longo destas sesións, Aïda Gómez compartirá a súa experiencia facendo arte urbana en diferentes partes do mundo. Todos os participantes terán acceso a multitude de técnicas para realizar intervencións na rúa. A través de xogos e exercicios de observación, os asistentes activarán os resortes da súa creatividade para planificar diferentes modificacións artísticas en ambientes cotiáns. O obxectivo fundamental deste obradoiro é que os asistentes saian hiperestimulados para que desenvolvan o seu propio proxecto de intervención urbana.
PROGRAMA
- PRIMEIRO BLOQUE – TEORÍA
Compartirei o meu traballo e o traballo doutros artistas urbanos cos asistentes ao obradoiro, así como un amplo abano de técnicas e posibilidades de intervención en espazos públicos. - SEGUNDO BLOQUE – PASEO
Sairemos á rúa. A través do xogo os asistentes ao obradoiro darán un paseo polos arredores de Unitaria. - TERCEIRO BLOQUE – PRÁCTICA
Orientarase ao alumnado para que desenvolva o seu propio proxecto de intervención urbana
DOCENTE: Aïda Gómez
(Madrid, 1986). Artista urbana, licenciada en Belas Artes pola Universidade de Castela-A Mancha. Estudou escultura na Kunsthochschule Weißensee de Berlín e foi artista residente en diversos espazos e institucións de Arxentina, Alemaña, Polonia, Islandia, Portugal e Holanda.
http://www.aidagomez.info
http://www.instagram.com/aidagomez.info/
DESTINATARIAS
Non son necesarios coñecementos nin formación previa para asistir a este obradoiro, só quere redescubrir o espazo público.
NECESIDADES
Ganas! trae moitas ganas! 🙂
POLÍTICA DE DEVOLUCIÓN
A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.
POLÍTICA DE CANCELACIÓN
Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.