Ioga
INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar:
As nosas clases de ioga en Santiago de Compostela están abertas a todos os niveis. Non precisas experiencia previa. Practicamos nun espazo tranquilo e con grupos pequenos para que cada persoa poida avanzar ao seu ritmo.
🧘♀️ DESCRICIÓN
👉 VEN A PROBAR! A PRIMEIRA CLASE É DE BALDE!
En Unitaria practicamos HATHA VINYASA YOGA, impartido polas formadoras de Alma Zen de Yoga, un estilo indicado para todo tipo de persoas.
Son clases dinámicas e fluídas, nas que se coordina movemento e respiración, favorecendo a forza, a flexibilidade e a concentración.
En ocasións tamén practicamos YIN YOGA, un estilo máis pasivo no que as posturas se manteñen de forma relaxada durante 3 a 5 minutos. Esta práctica axuda a calmar o sistema nervioso, estimular o fluxo da enerxía vital e aprender a relaxarse a un nivel profundo ✨
📌 RECOMENDACIÓNS PARA AS CLASES DE BENESTAR EN UNITARIA
⏰ Puntualidade
Chega a tempo para non perder o inicio da sesión nin interromper a dinámica do grupo.
👟 Zapateiro dispoñible na sala
Podes deixar os zapatos no zapateiro antes de comezar a práctica.
📵 Móbil en silencio
Apaga ou silencia o móbil para manter un ambiente tranquilo.
🥗 Co estómago lixeiro
Evita comidas pesadas antes da clase. En prácticas máis tranquilas ou de Yin Yoga, podes traer calcetíns quentiños para maior comodidade 🧦
🩺 Avísanos se tes algunha condición física
Lesións, molestias, enfermidades ou outras circunstancias deben comunicarse antes de comezar para adaptar a práctica ás túas necesidades. O importante é o teu benestar.
🧠 Escoita o teu corpo
Cada sesión é un novo comezo. Non te compares. Busca o equilibrio entre esforzo e comodidade. Se algo doe, para.
✋ Axustes con contacto físico
Se prefires non recibir correccións con contacto, indícanolo antes da clase.
🧼 Material ben recollido
Se utilizas esterillas ou mantas de Unitaria, límpaas e déixaas correctamente recollidas ao rematar.
📲 Comunica as túas ausencias
Se non podes asistir a unha sesión, avisa por WhatsApp para que outra persoa poida aproveitar a praza.
❓ Tes dúbidas?
Estamos aquí para axudarche antes, durante ou despois da clase.
💛 Grazas por formar parte de Unitaria.
Cancelación por parte do alumnado:
– Para cursos continuos (como ioga, pilates, coro, etc.), a cancelación debe realizarse como mínimo 15 días antes do inicio do mes seguinte. Así evitamos que se reserve unha praza para alguén que non vai continuar e podemos organizar os grupos mellor.
– A anulación do curso debe solicitarse por escrito, enviando un correo a queroaprender@escolaunitaria.com ou facéndoo presencialmente en Unitaria.
– En cursos ou obradoiros puntuais, as cancelacións poden facerse ata 15 días antes do seu inicio e devolverase o 50% do importe de inscrición.
– Unha vez comezado o curso/obradoiro/evento, non se devolverá o importe abonado, independentemente da causa de abandono.
– O prazo estimado para facer a devolución (nos casos que corresponda) será de 24 a 48 horas desde a notificación por parte de Unitaria.
Cancelación por parte de Unitaria:
Unitaria resérvase o dereito de suspender ou modificar datas e horarios de calquera curso, obradoiro ou evento se non se acada o número mínimo de persoas inscritas. Neste caso, comunicarase con antelación e indicarase a forma de devolución íntegra do importe.