
CACHARAGE AGAINST THE MACHINE
DESCRICIÓN
Cacharage Against the Machine é:
- É un encontro para cacharrear.
- Esta será nnha edición 0.
- É un laboratorio.
- É un exploratorio.
- É unha JAM.
- Para divertirse e conectar con outras persoas.
- É, polo tanto, un evento de pequeno formato que facilita a conversa e o intercambio de ideas. É, na liña da Unitaria, un lugar para aprender. Aprender facendo e aprender compartindo.
- É un convivio de persoas amadoras das máquinas de facer música.
- É un proceso de democratización cultural.
Cacharage Against the Machine non é:
- Non é un evento con cabezas de cartel.
- Non é un evento de vangardas electrónicas (que si de xente vangardista).
- Non ten, en principio, nomes recoñecidos na esfera de máquinas musicais.
- Nin é unha pista de baile, ainda que se poida bailar.
Cacharage Against the Machine será:
Deberá ser un proceso. Un camiño. Para ir definindo seguintes pasos. Se cadra medra, ou non. Poderá ser un tempo concreto para que esas comunidades creadoras teñan un espazo laboratorio-exploratorio-residencial onde crear-mesturar-mostrar. Podería ser unha cita cíclica.
Será un concepto iniciático, onde calquera poida achegarse a propoñer e mostrar. Facilitar que o proceso sexa participado garantirá a súa sostibilidade.
Cacharage Against the Machine morrerá:
- Cando deixe de ter utilidade.
- Cando non sexa divertido.
- Cando pretenda competir con outras propostas festivaleiras.
Edición zero
Cacharage Against the Machine é un exploratorio sonoro. Unha quedada aberta para persoas amadoras das musica feitas con máquinas. Para as que trebellan e para as que escoitan. Para as que comezan e para as que teñen callo de tanto pote.
Tamén será un espazo de intercambio de aparatos, musicais ou ruidísticos de segunda man onde mercar, vender e trocar eses trebellos do diaño.
Isto é para ti se amas os #sintes #secuenciadores #loopers #eurorack #drummachines #bassline
PROGRAMA
POLA MAÑÁ:
11:00: SHOWCASE mañá
Trae o teu equipo e mostra o que sabes, explica o teu set, crea unha atmósfera. Impros son benvidas. É unha mostra, non un bolo. Queres participar? Trae dous dos teus aparatos preferidos pero antes manda correo a queroaprender@escolaunitaria.com cos teus datos e o título SHOWCASE CATM.
13:00: Alumnos de DJ da escola Wax: Exhibición do talentoso alumnado da escola de DJ´s do Barrio de San Pedro: WAX Cultura DJ.
POLA TARDE:
15:00: SHOWCASE tarde
Idem que pola mañá.
16:00: CHARLA + DEMO Colectivo Pontevedra Modular
- XEARANX Construcción de atmósferas sonoras.
- BLAZ BABNIK Composicións para cine con modulares.
17:00: JAM HAMMER de sintes guiada por Chusato Silva (Aparato)
A idea é pasar un bo intre dando liberdade á nosa creatividade, divertirnos e expresarnos cos nosos aparellos.
Para que todo se desenvolva con fluidez deixamos as seguintes instrucións:
- Trae un ou varios dous teus aparellos preferidos, syntes, samplers, drumboxes, modulares, secuenciadores, grooveboxes, etc… Podes traer o que máis che apeteza pero ten en conta que reservaremos un máximo de “80×60” cm de espazo para cada jammer.
- Trae a túa propia regleta.
- Trae os teus propios cables (jacks, ,midi e clock). Se veñen marcados mellor, xa que se prevé moito cobre sobre a mesa 🙂
Precisamos saber:
- Tipo de clock necesitas para sincronizar vos teus equipos.
- Número e tipo de saídas e entradas de audio que empregas.
Así que xa sabes, apúntate a Jam Hammer dá Unitaria enviándonos un mail a “queroaprender@escolaunitaria.com” antes do 20/05/2024 e prepárate para gozar.
19:00: Live Sets
- (45´) DENÍS ESTÉVEZ aka LIBREDÓN. Un método vulnerable é orgánico porque se ve influenciado por procesos circunstanciais. As ferramentas empregadas no proxecto actúan como catalizadores dos erros de proceso, xirando ao redor do risco e a imperfección. O expolio sistemático das ideas e necesidade adictiva por eses motivos externos, conxugan unha hipérbole. A sua existencia abrolla do ir e vir constante, entre a realidade e a ficción, entre o analóxico e o dixital. Nestas conversas improvisadas, a afirmación e a negación correxiranse mútuamente e reinterpretaranse collendo forma a través da acción. A desinformación e o descoñecemento son unha opción real. O latexo perpetuo do misterio da razón é o seu asincopado contrapunto.
- (45´) Na3C6H5O7 BAILARICO NOISE (Nacho Muñoz). Bailarico Noise é un live set de electrónica e voz, onde mestura en tempo real sons sintetizados, ruídos, beats e cánticos tradicionais e inventados do planeta, creando un directo efervescente e divertido repleto de sensacións e experiencias sonoras delirantes.
**Para máis información: Contacta con nós en queroaprender@escolauntiaria.com

PARTICIPAR NO MERCADO
Cacharage Against the Machine tamén é un mercado. compra-venta-troco. Podes traer as túas máquinas para poñelas á vista. Haberá un equipo para poder probar sons.
Detalles do mercado:
- Para reservar o teu posto, necesitamos que envíes unha foto do que vas traer xunto cunha lista detallada dos aparatos e as súas características.
- Por favor, inclúe o prezo que lle vas poñer a cada elemento.
- Cada posto ten un espazo limitado de 125×60 cm. Por favor, asegúrate de probar esta superficie en casa antes de traer o teu material, xa que non haberá máis espazo dispoñible.
- Como consello sentimental, sería moi apreciado se detrás da etiqueta podes escribir algo sobre a orixe ou a historia persoal do aparato, tal como de onde ven ou que fixeches con el. Engadir un toque de conexión emocional axudará aos compradores a conectarse co teu produto.
Se tes 1 só cacharro, existe a posibilidade de poñer un POSTO COMÚN, xestionado pola organización…
Grazas polo teu interese en ser parte do noso mercado “Cacharage Against the Machine”. Esperamos ver o que tes para ofrecer!