ENSAIOS DE CUASITEATRO: CINCO MICROLECTURAS DRAMATIZADAS, de Rhin Arriba:

“Que son os ensaios de cuasiteatro? Trátase dun espectáculo experimental a medio camiño entre a lectura dramática e a representación escénica. Instalámonos nesa terra de ninguén, con dúas fronteiras, onde se visibiliza o drama cunha máxima economía de produción e se sente o pracer dunha teatralidade desacomplexada que agasalla a reparación do distanciamento. A música en vivo do Grupo 1500 de Música Antiga pechará o círculo cun diálogo sen palabras.”