Como se ve o mundo dos negocios a través do pincel? Para responder á pregunta imos xuntar a oito ilustradores galegos e enfrontalos entre eles para que demostren a súa bravura e creatividade. Por diante terán o desafío non só de convencer ao público de que son os máis hábiles co pincel, senón de comunicar a través do debuxo os (ás veces) obtusos conceptos do mundo dos emprendedores.

Coa participación de Leandro e Alberto Guitián como mestres de cerimonias, esta edición especial do xa tradicional Combate de Debuxantes celébrase no marco de Spin2016, o maior evento dedicado ao emprendemento universitario, coa colaboración de Metrópoles Delirantes, RedEmprendia e Unitaria.

www.spin2016.org