CLAQUÉ
INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar:
DESCRICIÓN
O claqué, tamén denominado tap dance, é unha danza percusiva que nos convirte en instrumentos musicais a través do movemento.
Ideal para desenvolver a psicomotricidade e facer exercicio a través da expresión e dunha forte inmersión da música. O claqué desconéctate da rutina e leva a túa cabeza a outro estado.
PROGRAMA
No curso aprenderemos os movementos e combinacións básicas, faremos xogos de coordinación, e percusión corporal e sobre todo bailaremos. Para mín é moi importante que ademáis de aprender a “dar os golpes” cos pés ou mans bailemos con todo o corpo.
Para iso usaremos todo tipo de músicas: dende o swing e jazz ata o funk ou o soul, e algún outro menos obvio.
A miña pedagoxía baséase moito en desconectar o intelecto, gozar e aprender con humor. Así que non te digas a ti mesma/o que “és patosa, non serves, non vales”. Proba e verás.
HISTORIA
O “tap dance” ou claqué, orixinouse a partir da fusión das danzas de zocas de Irlanda, o norte de Inglaterra e Escocia, combinado cos bailes practicados polos afroamericanos, como a juba, entre o século XVII e o XVIII.
En 1739, prohibiuse aos escravos negros que utilizasen instrumentos de percusión. Isto motivounos a realizar a percusión cos pés e as mans.
Bailado nun principio polos escravos, puíuse nos Estados Unidos despois da súa Guerra de secesión. Os bailaríns, inmigrantes de diversos grupos, reuníanse para competir e para demostrar as súas mellores calidades e movementos. Desta maneira, mentres as danzas se mesturaban, un novo estilo de baile nacía: o tap americano. Os bailaríns relaxaron as posturas ríxidas irlandesas, usaron brazos e ombreiros para marcar e engadíronse novos pasos. A improvisación era o primordial deste baile.
Tras o seu auxe nos anos 30-40, cando conseguiu gran popularidade pola súa presenza en diversos musicais de Hollywood, e con artistas como Fred Astaire, o tap afastouse dos escenarios norteamericanos até rexurdir nos anos 70. Xa nos 80 houbo unha serie de shows en Broadway (Sophisticated, Ladies, Black and Blue) e de películas (White Nights, The Cotton Club) que lle deron un novo ímpeto.
O zapateo sempre se situou dentro do “show business”, máis que no circuíto da “danza seria”. Con todo, hoxe en día existen grandes compañías que fan tempadas en teatros antes impensables para o tap e os seus shows son soamente dedicados a esta danza.
O 25 de maio festéxase o día internacional do tap.
DOCENTE: Marcos PTT
Actor e titiriteiro, aprendín a bailar claqué nos meus anos en Barcelona, como xeito de aprender unha técnica que me fixera moverme e poñer o meu corpo en contacto coa música.
Por se queres referencias, estudiei con Sharon Lavi, Laia Molins, Mireia Font e Rubén Sánchez en Barcelona. Aconséllote que aprendas con eles, pero se non podes, eu quedo máis perto…
DESTINATARIAS
Calquera persona que NUNCA bailou claqué, e que quere achegarse a esta danza dun xeito lúdico mais serio. Con coñecementos de danza ou non.
NECESIDADES
Roupa cómoda. Para sudar… Nas primeiras clases non precisarás de zapatos. Trae zapatos de rúa, sen tacón alto. Zapato de suela dura (coiro, madeira), mellor. Pero calquer calzado serviráche para comezar.
POLÍTICA DE DEVOLUCIÓN
A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.
POLÍTICA DE CANCELACIÓN
Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.