DESCRICIÓN

Explora as decisións técnicas e estéticas que constrúen a ollada do cinema documental:

• desde a elección do equipo e a iluminación en contornos non controlados,

• até a composición, o movemento de cámara, a cor e a iluminación como ferramentas narrativas.

A través da análise de obras históricas e contemporáneas, estudos de caso e exercicios de observación en contornos reais, aprenderás a deseñar unha proposta visual coherente, estética e ética para proxectos documentais de diversa escala.

OBXECTIVOS DO CURSO

Coñecementos

• Comprender os fundamentos técnicos que condicionan a captura da imaxe documental en diferentes contextos.

• Analizar o impacto das decisións estéticas na construción narrativa e emocional do documental.

• Entender a convivencia do footage que xeramos co footage de arquivo.

• Analizar o tratamento das fotografías, carteis ou outra documentación fotografada no filme.

• Estudar obras clave para identificar estilos, técnicas e enfoques de dirección de fotografía no cinema documental.

• Fomentar unha ollada crítica e ética sobre o uso da imaxe no documental, atendendo ás súas dimensións sociais e culturais.

• Desenvolver a capacidade de observación para aplicar conceptos teóricos no deseño visual de proxectos documentais.

Coñecementos específicos

• Coñecer o desenvolvemento histórico e as principais correntes estéticas na dirección de fotografía documental.

• Identificar técnicas e tecnoloxías aplicadas á fotografía documental en contornos reais e non controlados.

• Comprender o uso narrativo da composición, movemento de cámara, cor e iluminación no documental.

• Recoñecer o papel ético e social da imaxe na construción do relato documental.

Habilidades

• Analizar criticamente producións documentais desde a óptica técnica e estética.

• Aplicar conceptos teóricos para planificar a proposta visual dun documental.

• Desenvolver a capacidade de observación detallada do contorno para detectar oportunidades visuais e narrativas.

Competencias

• Deseñar estratexias visuais coherentes co contido e coa intención ética de proxectos documentais, aplicables na produción audiovisual profesional.

• Integrar coñecementos técnicos e estéticos para resolver problemas en rodaxes e producións en contornos reais.

• Comunicar ideas e propostas visuais con claridade e fundamento teórico, facilitando a colaboración en equipos creativos e de produción.

---

Requisitos previos

Recoméndase que as persoas asistentes teñan coñecementos básicos de linguaxe audiovisual e unha familiaridade xeral co cinema documental. Non se requiren habilidades técnicas avanzadas de cámara ou iluminación, xa que o enfoque é principalmente teórico.

---

Bloques temáticos

• Bloque 1: Historia e evolución da dirección de fotografía no cinema documental

  Percorrido breve polas correntes estéticas e técnicas desde os pioneiros até o documental contemporáneo.

• Bloque 2: Técnicas e ferramentas de captación en contornos non controlados

  Equipos, formatos, iluminación natural e artificial, e o seu impacto na estética documental. Introdución ao manexo e tratamento técnico do arquivo audiovisual e fotográfico.

• Bloque 3: Composición e movemento de cámara no documental

  Principios de encadre e dinamismo visual para potenciar e soster o relato.

• Bloque 4: Cor e iluminación como elementos narrativos

  Estudo da cor e da luz na construción do ton e da atmosfera do documental. Analizarase como a corrección de cor e o tratamento da imaxe de arquivo complementan a narrativa audiovisual.

• Bloque 5: Análise de casos e estéticas relevantes

  Estudo de obras icónicas e contemporáneas para extraer ensinanzas técnicas e conceptuais sobre a dirección de fotografía.

• Bloque 6: Ética e ollada crítica na fotografía documental

  Reflexións sobre o rol da directora de fotografía na representación de realidades e suxeitos. Debaterase tamén a ética na selección, tratamento e uso da imaxe tanto xerada como de arquivo.

• Bloque 7: Observación práctica

  Paseos e exercicios de observación para adestrar a ollada crítica e a sensibilidade visual.

---

Avaliación acreditativa dos aprendizaxes

• Avaliación continua (50%): participación activa nas clases e en exercicios prácticos semanais.

• Traballo final (50%): proposta de dirección de fotografía para un proxecto documental (ficticio ou real), fundamentada nos conceptos aprendidos durante o curso.

---

Fontes de información básica

• La dirección de fotografía y la dirección de arte en el documental Guerrero. La cabeza entre las manos – Ler

• La fotografía en el cine documental: un acercamiento teórico – Ler

• Susan Sontag – Sobre a Fotografía

• Erik Barnouw – Documentary: A History of the Non-Fiction Film (1993) – Internet Archive

• Bill Nichols – Introduction to Documentary (2ª ed., 2001) – Internet Archive / kufunda.net

• Patricia Aufderheide – Documentary Film: A Very Short Introduction (2007) – Google Books

• Michael Renov – The Subject of Documentary (2004) – Scribd

• Jack C. Ellis e Betsy A. McLane – A New History of Documentary Film (2012) – Bloomsbury Publishing

• Revista Caimán Cuadernos de Cine – artigos e entrevistas

• Revista Camera & Light – artigos e entrevistas

DOCENTE: Alicia Francés

Cancelación por parte do alumnado:

– Para cursos continuos (como ioga, pilates, coro, etc.), a cancelación debe realizarse como mínimo 15 días antes do inicio do mes seguinte. Así evitamos que se reserve unha praza para alguén que non vai continuar e podemos organizar os grupos mellor.

– A anulación do curso debe solicitarse por escrito, enviando un correo a queroaprender@escolaunitaria.com ou facéndoo presencialmente en Unitaria.

– En cursos ou obradoiros puntuais, as cancelacións poden facerse ata 15 días antes do seu inicio e devolverase o 50% do importe de inscrición.

– Unha vez comezado o curso/obradoiro/evento, non se devolverá o importe abonado, independentemente da causa de abandono.

– O prazo estimado para facer a devolución (nos casos que corresponda) será de 24 a 48 horas desde a notificación por parte de Unitaria.

Cancelación por parte de Unitaria:

Unitaria resérvase o dereito de suspender ou modificar datas e horarios de calquera curso, obradoiro ou evento se non se acada o número mínimo de persoas inscritas. Neste caso, comunicarase con antelación e indicarase a forma de devolución íntegra do importe.

INSCRICIÓN: fai click no seguinte botón para redirixirte á plataforma da ESCAC