FILMAR A MIRADA. OBRADOIRO PRÁCTICO DE CÁMARA
INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar:
PROTOCOLO COVID-19 UNITARIA
-Desinfección de mans á entrada e saída de clases.
-Máscara obrigatora durante toda a clase.
-Tes que traer a túa propia esterilla ou material para o obradoiro.
-Hidroxeles a tutiplén.
-Hai purificadores de aire nas dúas salas.
-Control de CO2 en PPM (partículas por millón) e así controlar a renovación de aire.
DESCRICIÓN
“Filmar a mirada” é un obradoiro práctico que ten como obxectivo explorar as inquedanzas creativas dos participantes empregando a ferramenta da cámara. Por este motivo o curso parte dun punto de partida teórico-técnico, de coñecemento da ferramenta e continúa cun posterior desenvolvemento práctico de exercicios semanais de distinto formato.
PROGRAMA
– Conceptos teórico-técnicos:
O corpo da cámara.
Formatos e xéneros.
A cámara na historia do cine.
A cámara na literatura e na pintura.
Nocións básicas de son e montaxe para realizar as prácticas.
– Conceptos prácticos:
A improvisación: Perder o medo ao mal chamado “erro”.
Explorar as ferramentas cinematográficas e teatrais por cámara.
As influencias (cine, literatura, pintura, son, danza, …).
Xogar dentro dunha liberdade creativa dende cámara.
Compartir a mirada persoal e observar a do resto do grupo.
Visionar proxectos audiovisuais e explorar posibilidades artísticas dende a realización.
Laboratorio de creación que pretende impulsar o proceso dunha peza audiovisual.
BIBLIOGRAFÍA:
– Más allá del espacio vacío (Peter Brook).
– Días de una cámara (Néstor Almendros).
– La preparación del director: Siete ensayos sobre teatro y arte (Anne Bogart).
– ¡Salva al gato! (Blake Snyder).
DOCENTE: Lucía Estévez
Lucía Estévez estuda Comunicación Audiovisual na Universidade de Vigo e na UCP de O Porto, onde realiza un Erasmus durante o terceiro ano. Dende entón traballa para produtoras e compañías teatras galegas no departamento de cámara. O seu interese pola dirección fai que continúe a día de hoxe unha formación paralela que compaxina coa súa carreira profesional. Está preparando a súa primeira longametraxe de ficción, “As Defensas”, con guión subvencionado por AGADIC en 2020. Este ano rodará a súa seguinte curtametraxe, “O neno sardiña”, producido por Cósmica Producións con subvención de produción de AGADIC. En 2019 recibe o Premio CREA a Mellor Dirección Galega no Festival Internacional Curtocircuito pola súa curtametraxe “Arrolo” e o Premio a Produción no Carballo Interplay para realizar a serie para internet “XAN”, co-creada xunto ao actor e guionista Miguel Canalejo. En 2018 recibe o Premio María Luz Morales polo seu videoensaio “Muller Personaxe”, unha peza experimental que investiga o papel da muller en pantallas galegas.
DESTINATARIAS
A todas aquelas persoas interesadas en empregar a cámara como un medio libre co que xogar e explorar diferentes maneiras de contar.
MATERIAL INCLUÍDO NO OBRADOIRO
– Para o visionado de películas e series se facilitará a cada participante unha clave de acceso á plataforma onde está dito material
– Sobre a bibliografía: Fotocopias
NECESIDADES
– Tes que traer a túa cámara e ordenador
– Libreta e lápiz/bolígrafo
POLÍTICA DE DEVOLUCIÓN
A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.
POLÍTICA DE CANCELACIÓN
Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.
