LOCALIZANDO PARA CINE: LUGARES DE PELÍCULA

  • Impartido por: Andrés Rozados

  • Horario: os martes de 16:30 a 18:30

  • N.º de prazas: 16

  • Prezo: 150 € (Podes pagar en 3 cuotas de 50 €)

  • Datas: do 17 de setembro ao 3 de decembro de 2024

  • Lugar: Unitaria

INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar:

DESCRICIÓN

Curso impartido para aprender como se xestionan os espazos para a realización de producións audiovisuais: o apaixoante mundo das localizacións. Dende o punto de partida (recepción do guión, dossier e tratamento do proxecto), pasando pola preproducción, a xestión de permisos, as necesidades de rodaxe, as funcións da persoa de localizacións e os acordos cos proveedores, e, por suposto, o peche do proxecto.

PROGRAMA INICIACIÓN

1.- A figura do-a responsable de localizacións. Características, responsabilidades, funcións e encaixe no equipo.
2.- Ferramentas para o localizador-a. Materiais diarios de uso.
3.- Recepción do proxecto. Comezo da fase de lectura de guión. Desglose do guión e primeiro borrador de localizacións.
4.- Proposta de localizacións artísticas.
5.- Xestión de permisos de rodaxe: institucións, trámites e procedementos.
6.- Espazos alternativos e necesidades de rodaxe: procesos, descanso de actores, catering.
7.- Loxística de rodaxe: accesos, flota dispoñible, necesidades do equipo técnico-artístico.
8.- Contratos e acordos con proveedores
9.- En rodaxe: que papel cumpre un localizador?
10.- Problemas e solucións nas localizacións.
11.- Postprodución e final de rodaxe.
12.- Peche de localizacións e contabilidade.
13.- Caso práctico. Presentación de localizacións.

*PAGO

Estimado/a estudante,

Estamos encantados de que te mostres interesado/a no noso curso. Queremos informarche sobre a posibilidade de pagar en tres cómodos prazos.

O custo total do curso é de 150 euros. Para axudarte no proceso de pago, ofrecemos a opción de fraccionar o importe en tres prazos de 50 euros cada un. Poderás realizar os pagamentos segundo a seguinte programación:

  1. Primeiro Prazo: 50 euros ao inscribirte.
  2. Segundo Prazo: 50 euros ao comezo do segundo mes.
  3. Terceiro Prazo: 50 euros ao comezo do terceiro mes.

Destacamos que, se decides abandonar o curso a medio percorrido, deberás aboar o importe total restante.

Agradecemos a túa comprensión e estamos dispoñibles para resolver calquera dúbida que poidas ter.

DOCENTE: ANDRÉS ROZADOS

Andrés Rozados é un produtor audiovisual con máis de 10 anos de experiencia no sector, con ampla experiencia na xestión de localizacións para películas, series e programas de TV.
Linkedin: https://www.linkedin.com/in/andresrozados/

DESTINATARIAS

O público obxectivo vai dende profesionais do sector, pasando por estudiantes de audiovisuais, publicidade, belas artes e interesados no eido audiovisual con ou sen relación directa con el.

NECESIDADES

Portátil, teléfono móbil e se é posible cámara de fotos (vale a do teléfono móbil). Roupa cómoda para camiñar, calzado cómodo xa que faremos roteiros e visitas a posibles localizacións.

POLÍTICA DE DEVOLUCIÓN

A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.

POLÍTICA DE CANCELACIÓN

Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.

INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar: