VIDA EXTRA
VIDA EXTRA é un mercadiño de troco e segunda man, en colaboración coa Asociación Veciñal A Xuntanza, para darlle outra oportunidade ás cousas que xa viviron… ou que estaban desexando vivir outra cousa distinta.
Un día para traer o que xa non usas, trocar, compartir, mirar con calma e deixar que os obxectos circulen, cambien de mans e de historia. Roupa, libros, trebellos, cousas raras, cousas útiles, cousas que querían ser outras cousas.
O mercadiño celébrase na Unitaria e tamén na rúa, abrindo o espazo ao barrio e á veciñanza, cun ambiente relaxado, comunitario e festivo.
Se chove, a parte prevista na rúa trasladarase ao pavillón das nosas veciñas de Don Bosco.
Durante a mañá haberá tamén:
-
Obradoiro de reciclado e estampación téxtil, da man de La Canalla. +INFO AQUÍ
Inscrición previa (60 €/persona) a través do noso correo: queroaprender@escolaunitaria.com
-
Concerto do Coro Unitario, para pechar o día cantando xuntas.
VIDA EXTRA é consumo consciente, encontro, barrio e tempo compartido.
Un plan para vir sen présa, quedar un rato… e marchar con algo que non sabías que necesitabas.
