DESCRICIÓN

Neste curso aprenderemos un pouco de historia e técnica, pero sobre todo intentaremos entender a fotografía como ferramenta de expresión.
Aprenderemos todas as reglas para despois rompelas.

PROGRAMA

1. Un pouquiño de Historia
A cámara lúcida, a cámara oscura, descubrimentos, o boom da fotografía e como cambiou a forma de ver o mundo e a Arte.

2. Un pouquiño de técnica
Como funciona a fotografía e por que? Do analóxico ao dixital.
Conceptos técnicos: ISO, velocidade de obturación, diafragma, distancia focal, óptica, tempos de exposición.
Saltarse as reglas.

3. A túa cámara
Tipos de cámaras. Prácticas con cámara estenopeica. Modos da cámara e utilidades. O menú da cámara. Formatos de arquivos. Obxectivos. Sensores. Flash. Balance de brancos.

4. Teoría da imaxe, composición
Encuadre, tipos de planos. Luz e iluminación. Temperatura de cor.
Percepción, composición. Tempo e movemento. Ritmo.

5. Expresión artística. Xéneros fotográficos. Proxecto
Prácticas de distintos xéneros e estilos (Retrato, bodegón, paisaxe, arquitectura, reportaxe…)
Experimentación e proxecto persoal.

6. Un pouquiño de edición
Como mellorar ou salvar as túas fotos. Conceptos básicos de edición en Photoshop ou Lightroom. Básico de revelado dixital.

7. Exposición dos proxectos
Faremos unha exposición dos proxectos dos alumnos e alumnas como clausura do curso.

A metodoloxía será maiormente práctica. Para cada concepto estudado faremos unha práctica, durante o tempo de clase en grupo ou individualmente entre sesións. Adicaremos unha parte de cada sesión a ver e comentar as fotografías das compañeiras, fomentando a dúbida, a crítica construtiva e o debate grupal como forma de aprendizaxe.

*PAGO

Estimado/a estudante,

Estamos encantados de que te mostres interesado/a no noso curso. Queremos informarche sobre a posibilidade de pagar en tres cómodos prazos.

O custo total do curso é de 180 euros. Para axudarte no proceso de pago, ofrecemos a opción de fraccionar o importe en tres prazos de 60 euros cada un. Poderás realizar os pagamentos segundo a seguinte programación:

1. Primeiro Prazo: 60 euros ao inscribirte.
2. Segundo Prazo: 60 euros ao comezo do segundo mes.
3. Terceiro Prazo: 60 euros ao comezo do terceiro mes.

Destacamos que, se decides abandonar o curso a medio percorrido, deberás aboar o importe total restante.

Agradecemos a túa comprensión e estamos dispoñibles para resolver calquera dúbida que poidas ter.

DOCENTE: Sol Álvarez

Sol Álvarez Soto é fotógrafa e varias cousas máis. Estudou Belas Artes, Fotografía Artística e Fotografía Documental de Autor. Foi docente na Pablo Picasso. Ultimamente fotografía montañas e experimenta con técnicas fotográficas antigas.

Linkedin
Instagram
Portfolio fotografía

DESTINATARIAS

As destinatarias son persoas que sintan curiosidade pola fotografía, afecionadas ou que simplemente queiran aprender. Tamén todas aquelas persoas que precisen unha canle de expresión artística e aínda non deran con unha.

MATERIAL INCLUÍDO NO OBRADOIRO

Apuntamentos e presentacións empregadas nas explicacións. Materiais para facer unha cámara estenopeica e unhas cantas fotografías.

NECESIDADES

Precisarás unha cámara, preferentemente con modo manual, e unha libreta ou dispositivo no que anotar cousas. E ganas de experimentar e equivocarse.

POLÍTICA DE DEVOLUCIÓN

A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.

POLÍTICA DE CANCELACIÓN

Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.

INSCRICIÓN: un mail cos teus datos (NOME COMPLETO, DNI e TELÉFONO) e obradoiro no que queres participar: