TORNEO XADREZ DE BARRIO
Unha tarde de xadrez sen présas nin solemnidades.
Un encontro para xogar, pensar e compartir mesa.
O Torneo de Xadrez de Barrio chega a Unitaria cun formato aberto, accesible e pensado para todos os niveis. Non precisas ter ELO nin licenza federativa para vir xogar. Da igual se levas media vida diante do taboleiro ou se estás a volver mover as pezas despois de anos: aquí contan as ganas, non o currículo.
Durante a tarde disputaranse varias partidas nun ambiente tranquilo e respectuoso, onde o xadrez é máis unha escusa para o encontro que unha carreira pola vitoria.
Información práctica
-
Máximo de inscricións: 20 persoas
-
Mínimo de participantes: 5 (o grupo de alumnado que xa temos en marcha)
-
Sistema de xogo: suízo
-
Número de roldas: entre 7 e 9, segundo o número de inscricións
-
Ritmo de xogo: 15 minutos + 10 segundos de incremento
-
Reloxo: app de chess clock en modo avión
As crianzas poden participar, pero deberán vir acompañadas dunha persoa adulta responsable, que non vale deixalas aquí como quen deixa o abrigo no perchero 😉
Haberá trofeo para a primeira persoa clasificada e agasallo de participación para todas, porque aquí xogar xa conta como premio.
As decisións da directora e árbitra do torneo serán inapelables. O xadrez é serio, pero non tanto coma para discutir por iso.
