OBRADOIRO DE CREATIVIDADE: DEBUXO, LOGO PENSO
INSCRICIÓN: un correo cos teus datos (NOME COMPLETO, DNI e TELÉFONO) e obradoiro no que queres participar:
DESCRICIÓN
A creatividade é algo inherente ao ser humano. Pero tamén aos animais, que buscan as mellores estratexias para escapar dun perigo, ou ás plantas, que procuran a luz do sol para facer a fotosíntese. No meu caso, dende pequeno, o debuxo axudoume a buscar estratexias para mellorar a miña vida: pensar de forma diferente, comunicarme mellor, descubrir novos mundos, ordenar as miñas ideas ou simplemente procrastinar.
Este obradoiro axudarache a exercitar a túa creatividade, sen necesidade de ter coñecementos previos de debuxo. Nunha época apaixonante de grandes cambios, onde a Intelixencia Artificial cuestiona a nosa suposta superioridade como os seres máis intelixentes do planeta, quixen crear un libro-ximnasio creativo que ofrece ferramentas para aplicar a creatividade ao traballo e á vida diaria.
Este obradoiro trata de creatividade e conexións: como sacar as mellores ideas, conectalas e formalizalas dun xeito sinxelo e poderoso. Aprenderemos do meu proceso creativo para conectar ideas e conseguir conceptos novos con máximo impacto. Traballaremos técnicas creativas partindo da idea de que a creatividade non existe e que, no futuro, todas e todos seremos substituídos por robots. Xogaremos a ser mineiros de ideas.
OBXECTIVOS
- Atopar a túa verdadeira motivación.
- Perder o medo a debuxar.
- Sacar ideas mediante o debuxo baixo presión.
- Conectar e descubrir ideas mediante un mapa conceptual.
- Aprender a mirar de xeito diferente e crítico.
- Buscar formas de romper a monotonía e forzar novos estímulos e conexións.
- Sintetizar e comunicar ideas.
- Pensar fóra da zona de confort.
- Reflexionar sobre os límites do humor.
PROGRAMA
1. Presentación. A creatividade e o ximnasio creativo.
Pensar > Ilustrar > Compartir.
- Representar ideas con debuxos sen saber debuxar.
- O meu proceso de traballo.
- A importancia de partir sempre dunha idea.
- De onde nacen as ideas?
- Como comunicar visualmente o que penso?
- Como estimular a creatividade?
- Que é a ilustración?
- Que é o estilo en ilustración? É tan importante?
- Como sobrevivir nun mundo disruptivo?
- Sistemas de representación gráfica: infografía, datos e datos subxectivos.
- Pensar con imaxes: podemos representar opinións, datos ou pensamentos de outro xeito?
O proceso:
- Describir unha historia ou escena.
- Extraer o importante.
- Conectar.
- Intercambiar.
- Formalizar.
2. Motivación.
3. Conectar cousas aparentemente sen relación.
4. Facerte preguntas e saír da zona de confort.
5. Empatizar e traballar o sentido do humor.
- Aprender novas técnicas creativas.
- Ilustrar a partir de datos e conceptos.
- Desenvolver unha publicación en Instagram con liña editorial clara e persoal.
DOCENTE: JAVIRROYO
Javirroyo é un artista e ilustrador que colabora en diferentes medios. Debuxou varios libros sobre creatividade e feminismo: Life is Sho, Homo Machus, Laborachismo e Debuxo, logo penso son os máis recentes. Premio Graffica 2020. En 2021, lanzou a súa primeira colección de NFTs, Talking Heads, conectando a arte e o social. Embajador español de Positively Men da UNESCO. Premio Home Progresista 2023 polo seu compromiso coa igualdade.
“A miña paixón é escribir con palabras, esquemas e debuxos. O obxectivo é contar cousas usando todo o que teñas arredor para mostrar aquilo que quero. Nos meus debuxos gústame falar da morte, do sexo, do amor, das amizades e das relacións humanas. Ás veces dérivome a temas de actualidade, que ao final tamén son falar de amor e desamor, de traizóns, vinganzas ou, en definitiva, de relacións humanas.”
DESTINATARIAS
Este curso está dirixido a calquera persoa interesada en expresarse a través de diagramas, ilustracións e palabras. Non se requiren coñecementos previos de debuxo de ningún tipo.
NECESIDADES
Non é necesario levar roupa especial o primeiro día, estar cómodxs sempre é o ideal, pero non é necesario roupa de deporte nin nada diso, roupa normal, ao gusto do consumidor, da roupa en cámara tamén falaremos.
POLÍTICA DE DEVOLUCIÓN
A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.
POLÍTICA DE CANCELACIÓN
Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.
