FAI A TÚA PÁXINA WEB. INICIACIÓN AO DESEÑO WEB.
INSCRICIÓN: un correo cos teus datos (NOME COMPLETO, DNI e TELÉFONO) e obradoiro no que queres participar:
DESCRICIÓN
Curso de iniciación ao deseño web destinado a profesionais que desexen ter uns coñecementos mínimos para poder xestionar por si mesmos a súa propia páxina web, a cal elaborarán durante a formación.
PROGRAMA
- Hosting, dominio e outras ferramentas esenciais en deseño web.
- Posicionamento web e Google Search Console.
- Optimización de imaxes e creación de estrutura web (logotipo, cores e identidade corporativa).
- Emprego do constructor web.
- Revisión do proxecto web e lanzamento.
DOCENTE
Iago Casal, fundador de paxinarte.gal, empresa compostelana de deseño web con máis de 10 anos de experiencia e con dedicación especial ao coidado estético e artístico.
DESTINATARIAS
Este curso vai destinado a todas as profesionais que desexen contar cunha web propia e que á vez buscan poder xestionar o seu espazo web por elas mesmas.
Esta formación está especialmente pensada para profesións de carácter artístico, onde é necesario contar cunha páxina web cun gran coidado estético.
Durante o curso as propias alumnas irán creando a súa web, de xeito que ao finalizar a formación xa dispoñan da súa propia páxina, a cal tamén aprenderán a xestionar.
NECESIDADES
- Portátil
- Todo o temario estará dispoñible para as alumnas dende o primeiro día en formato dixital.
Cancelación por parte do alumnado:
– Para cursos continuos (como ioga, pilates, coro, etc.), a cancelación debe realizarse como mínimo 15 días antes do inicio do mes seguinte. Así evitamos que se reserve unha praza para alguén que non vai continuar e podemos organizar os grupos mellor.
– A anulación do curso debe solicitarse por escrito, enviando un correo a queroaprender@escolaunitaria.com ou facéndoo presencialmente en Unitaria.
– En cursos ou obradoiros puntuais, as cancelacións poden facerse ata 15 días antes do seu inicio e devolverase o 50% do importe de inscrición.
– Unha vez comezado o curso/obradoiro/evento, non se devolverá o importe abonado, independentemente da causa de abandono.
– O prazo estimado para facer a devolución (nos casos que corresponda) será de 24 a 48 horas desde a notificación por parte de Unitaria.
Cancelación por parte de Unitaria:
Unitaria resérvase o dereito de suspender ou modificar datas e horarios de calquera curso, obradoiro ou evento se non se acada o número mínimo de persoas inscritas. Neste caso, comunicarase con antelación e indicarase a forma de devolución íntegra do importe.
