ANGÉLICA & ROBERTA. 10 ANOS NON SON NADA

  • Día: 11 de xuño 2022

  • Hora: de 13:00  a 21:00

DESCRICIÓN

Despois de dez anos sen saber nada de Angélica e Roberta chegounos unha mensaxe desde o buraco negro onde crearon o seu novo fogar.

Que lles pasaría durante todo este tempo? Serán nais dalgún fillo dun músico morto aos 27 anos? Descubrirían o segredo da eterna xuventude? Aprenderían a facer macramé? Ou seguirán sendo as mesmas loosers de sempre, pero en múltiples dimensións?

Se queres descubrilo vén á festa de “Angélica y Roberta, 10 anos non son nada” na Escola Unitaria (onde senón). Proxectarase por primeira vez o capítulo especial gravado para conmemorar os dez anos da mítica webserie, haberá sesións DJ para botar uns bailes, photocall, sobres sorpresa e quen sabe… quizais estean as propias rapazas por alí e parte do equipo da serie.