CACHARAGE AGAINST THE MACHINE

Horario:

ás 13:00 ESPAZO X (CGAC)

ás 16:00 UNITARIA

ás 21:00 SOSA BAR
Entrada: Taquilla Inversa
Data: 14 de marzo 2026
Lugar: Unitaria + ESPAZO X + SOSA BAR

CACHARAGE AGAINST THE MACHINE

14 de marzo de 2026 · Unitaria · Santiago de Compostela

Cacharage Against the Machine é un proxecto de experimentación sonora e creación dixital contemporánea que opera na intersección entre media art, arte sonora e práctica performativa tecnolóxica.

Artéllase como unha xornada que integra live acts de creación electrónica en tempo real xunto a espazos de escoita, experimentación colectiva, demostracións técnicas e conversas arredor dos sintetizadores, do hardware e dos procesos creativos que se constrúen en directo.

Durante o día convivirán prácticas de escoita profunda, improvisación compartida e apertura de procesos. As artistas mostrarán como constrúen os seus sets, como toman decisións en tempo real, como organizan o son e como dialogan co erro, coa improvisación e coa máquina. Haberá tempo para observar de preto, preguntar e aprender desde dentro.

Cacharage Against the Machine non é un festival nin un curso ao uso. É un espazo de encontro para persoas con curiosidade polo son, polos cacharros e polo que sucede cando se baixa o ritmo e se comparte aquilo que normalmente permanece oculto. Sen xerarquías, sen présa e cunha idea clara: desfrutar aprendendo.

Por un día, Unitaria convértese nun laboratorio aberto onde a electrónica se pensa, se escoita e se constrúe en colectivo.

Este ano a xornada expándese e incorpora dous novos espazos na cidade:
Espacio X – Cafetería do CGAC (13:00 h), que acollerá o Baño de Sintes como apertura inmersiva da xornada; e SOSA BAR (+21:00 h), onde se desenvolverán os live acts nocturnos, prolongando a experiencia nun contexto máis performativo e de club.

CATM é unha iniciativa de XENEME Innovación Social e Escola Unitaria.

Aprenderás.

PROGRAMA

ESPACIO X – CAFETERÍA DO CGAC. · De balde

13:00 BAÑO DE SINTES

FI0 (Fonsi)

UNITARIA · Taquilla inversa

16:00 PRESENTACIÓN

Juait x CRNDS. LINDISFARNE SAMPLE PACK_1

Unha biblioteca de samples, vencellados á nosa cultura e deseñada para a creación musical contemporánea.

https://lindisfarne.site/samplepack

16:30 – 18:00 JAM de sintes.

Impro colectiva en directo con sintetizadores e cacharros varios. Amor e caos. Sincronía, erro e negociación en tempo real. Se traes máquina, xogas.

18:00 – 18:45 FALADOIRO

Paula Pin. Meigallos e barullos non binarios
Faladoiro arredor dunha Galicia cuir onde identidade, maxia e tecnoloxía se entrelazan. Corpo, transfeminismo e biotecnoloxía DIY como prácticas de experimentación e resistencia.

18:45 – 19:15 CONEXIÓNS
Espazo de diálogo entre comunidades de creación sonora e cultura electrónica: Purveyancerecords, Vértebra, LDM synths community, C.A.T.M.

19:15 TALK+DEMOS
As comunidades programan a artistas que abren e explican o seu fluxo de traballo musical.

19:15 – 20:00 · Antoxo x Purveyance Records. Live set

20:00 – 20:45 · Vértebra Clube. Sesión comentada sobre o proceso creativo e os criterios de selección DJ.

20:45 – 21:30 · Insire Nome x LDM synths community. Live set

SOSABAR · Entrada: 5 eur

+21:00_AFTERPARTY

Soul Lazh Live, Slit Observes (Live) +++