OBRADOIRO DE SOMBRAS CHINAS
INSCRICIÓN: un correo cos teus datos (NOME COMPLETO, DNI e TELÉFONO) e obradoiro no que queres participar:
DESCRICIÓN
Unha actividade formativa que ademáis de achegar o mundo dos monicreques a tod@s; desenvolve a capacidade creativa e fomenta o desenvolvemento persoal de cada individuo.
Con materiais e elementos sinxelos (cartulina e variñas) imos construír sombras chinas.
PROGRAMA
Construiremos os nosos monicreques e probarémolos nun teatriño de sombras chinas.
DOCENTE: TANXARINA
A compañía TANXARINA TÍTERES foi fundada no ano 1983, por varios ex-alumnos de Harry Tozer, profesor de construción e manipulación de marionetas de fíos do Institut del Teatre de Barcelona, e tamén outros profesionais galegos do teatro infantil e xuvenil . Dende entón converteuse nunha das formacións máis recoñecidas e prestixiosas do teatro de títeres galego tanto dentro como fóra de Galicia. Adícase prioritariamente á produción e distribución de espectáculos dirixidos a todo tipo de públicos: infantil, xuvenil e familiar; onde se combinan diversas técnicas de animación de monecos co traballo actoral dos propios manipuladores.
Marionetas de fíos, títeres de luva, de variñas, sombras chinas , bunrakus e outros gañan así en forza expresiva e comicidade. Esa relación escénica entre títeres e actores vén sendo unha das señas de identidade da compañía dende os seus primeiros espectáculos. A Compañía desenvolve tamén unha constante actividade docente mantendo unha variada proposta de cursos de construción e manipulación de títeres, marionetas, máscaras e cabezudos para educadores, escolares e profesionais da animación socio-cultural.
https://www.tanxarina.es/gl-ES
DESTINATARIAS
O obradoiro está dirixido a adultas con interese nas artes escénicas, mestras, animadoras… Poderán asistir nenxs de máis de 7 anos sempre que veñan acompañadas dunha persoa adulta.
NECESIDADES
Ganas de aprender, imaxinar e pasalo ben.
Cancelación por parte do alumnado:
– Para cursos continuos (como ioga, pilates, coro, etc.), a cancelación debe realizarse como mínimo 15 días antes do inicio do mes seguinte. Así evitamos que se reserve unha praza para alguén que non vai continuar e podemos organizar os grupos mellor.
– A anulación do curso debe solicitarse por escrito, enviando un correo a queroaprender@escolaunitaria.com ou facéndoo presencialmente en Unitaria.
– En cursos ou obradoiros puntuais, as cancelacións poden facerse ata 15 días antes do seu inicio e devolverase o 50% do importe de inscrición.
– Unha vez comezado o curso/obradoiro/evento, non se devolverá o importe abonado, independentemente da causa de abandono.
– O prazo estimado para facer a devolución (nos casos que corresponda) será de 24 a 48 horas desde a notificación por parte de Unitaria.
Cancelación por parte de Unitaria:
Unitaria resérvase o dereito de suspender ou modificar datas e horarios de calquera curso, obradoiro ou evento se non se acada o número mínimo de persoas inscritas. Neste caso, comunicarase con antelación e indicarase a forma de devolución íntegra do importe.
