HANDPOKE

  • Impartido por: María Pardo (@mestrella.pokes)

  • Duración: 4 horas

  • Horario: de 10:00 a 14:00

  • N.º de prazas: 10

  • Cuota de inscrición: 80 €

  • Opción de KIT: +35 € (total curso+kit= 115€)

  • Datas: 1 de outubro 2022

  • Inclúe auga, café, té, doces e froita durante todo o obradoiro.

INSCRICIÓN: un correo cos teus datos (NOME COMPLETO, DNI e TELÉFONO) e obradoiro no que queres participar:
QUERO FACER ESTE OBRADOIRO!

DESCRICIÓN

Ven a experimentar con esta técnica de tatuaxe sen máquina!!
Aprenderás o necesario para comezar a tatuar e marcharás cunha nova tatuaxe feita por ti 🙃

PROGRAMA

Parte teórica (1h)

  • Que é o handpoke?
  • Un pouco de ciencia: a pel
  • Medidas de hixiene
  • Materiais e onde obtelos
  • Técnicas: poñer un stencil, tatuar liñas, tatuar con diferentes cores, tatuar as distintas zonas do corpo, curar e coidar

Parte práctica (3h)

  • Práctica sobre froitas
  • Autotatuaxe con supervisión (para quen o queira)

DOCENTE

Chámome María, aínda que no meu proxecto creativo son Mestrella (@mestrella.pokes).
Son unha artista galega multidisciplinar, actualmente vivo en Barcelona. Enfoco o meu traballo principalmente na tatuaxe manual, pero tamén me dedico a cerámica, bordado punchneedle, ilustración e técnicas de impresión artesanal (serigrafía e gravado).

Inspiroume a natureza, a cor e as formas, as relacións humanas, tanto interpersoais como co mundo que nos rodea, inventos e fantasías, ciencia e coñecemento.

Traballar coas mans éncheme o corazón e quero transmitir o amor que teño polo planeta e por todos os seres que nel viven. Por iso, intento ter o menor impacto posible, utilizando materiais veganos e sostibles.

Mestrella (@mestrella.pokes)

DESTINATARIAS

A todas aquelas persoas que queiran explorar esta técnica de tatuaxe artesanal. Non é necesario ter experiencia previa, nin “saber debuxar”, só ter moitas ganas de aprender.

MATERIAL INCLUÍDO NO OBRADOIRO

O obradoiro inclúe todo o material necesario para a práctica durante o obradoiro: luvas, alcohol, tapas de superficie, tapas de botellas, papel desbotable, tinta, agullas, depresores, xabón, vaselina vegana, vasos, papel hectográfico, papel, bolígrafos, tesoiras, navallas , botellas boxer.
Todos os participantes levarán un formulario coa información máis importante, para que poidan seguir practicando na casa.

Ademais, quen o desexe pode pedir un kit de materiais para levar a casa. O prezo do kit é de 35€ (non incluído no prezo do curso); isto inclúe os materiais que só se poden atopar nas tendas de artigos de tatuaxes. O kit inclúe: botella de tinta de 30 ml, agullas, papel hectográfico, líquido transfer, “vaselina” vegana, “cups” e unha botella para auga e xabón!. Solicita o teu cando te inscribas 🙃

NECESIDADES

Se queres tatuarte, o deseño que tes en mente!
Roupa cómoda que deixa ao descuberto a zona a tatuar!
Un caderno se queres tomar notas!

POLÍTICA DE DEVOLUCIÓN

A anulación do curso debe ser realizada presencialmente pola persoa inscrita en Unitaria ou a través de queroaprender@escolaunitaria.com
As cancelacións de cursos poden facerse ata 15 días antes do seu inicio e devolverase o 50% do importe de inscrición.
O importe non se devolverá nos caso de se o alumno/a decide deixar de asistir ao curso/obradoiro/evento unha vez comezado, calquera que sexa a causa.
O tempo estimado para a devolución do importe dun curso abonado por Internet, xa sexa por vontade do usuario ou por unha cancelación (e conforme ás condicións descritas), será de 24 a 48 horas desde a notificación da operación por parte da Unitaria.

POLÍTICA DE CANCELACIÓN

Unitaria resérvase o dereito de suspender o curso/obradoiro/evento ou modificar as datas e horarios indicados dependendo do número de alumnos matriculados, nese caso comunicarase a forma de devolución do importe abonado.

INSCRICIÓN: un correo cos teus datos (NOME COMPLETO, DNI e TELÉFONO) e obradoiro no que queres participar:
QUERO FACER ESTE OBRADOIRO!