O FAIADO PODCAST. O FENÓMENO DA MÚSICA URBANA EN GALEGO, CON 9LOURO E KID MOUNT
Este Faiado non é o que se atopa na parte máis alta das nosas casas, non. Para subir ao noso faiado hai que escoitar todas as conversas que gardamos con moita ilusión para vós. Unha vez dentro, atoparedes un espazo, agardamos que acolledor.
Queremos xerar un espazo de conversa e humor para a xeración Z galega. Queremos darlle visibilidade a creadorxs de contido e artistas galegxs, pero tamén traer aos referentes de toda unha xeración (incluso de anteriores), falar dos temas que nos apaixoan e nos motivan dende un ángulo diferente e sempre con moita, moita naturalidade.
Neste capítulo, que gravaremos en directo na Escola Unitaria, falaremos do fenómeno da música urbana en galego. Nos últimos meses está habendo unha explosión neste xénero, xa que vemos que cada vez máis rapaces están empezando a facer música urbana en galego. Virán conversar con nós 9Louro e Kid Mount, dous nomes á orde do día que se están convertindo en moi representativos da escena.
Entrada a taquilla inversa: vés ao podcast e ao saír das a cantidade que consideres. Sé xenerosx!
Ata completar aforo.
